Mətanət Səmədova dövlət satınalmaları sahəsində 10 ildən artıq təcrübəyə malik peşəkar mütəxəssisdir. O, müxtəlif dövlət qurumlarında satınalmaların təşkili, müqavilələrin icrası və təchizat proseslərinin idarə olunması üzrə geniş praktiki bilik və bacarıqlara sahibdir.
Hazırda HR Engineering MMC-də dövlət satınalmaları üzrə təlimçi kimi fəaliyyət göstərir və paralel olaraq Azərbaycan Dövlət Su Ehtiyatları Agentliyində Satınalmalar üzrə baş məsləhətçi vəzifəsini icra edir. Peşəkar karyerası boyunca Meliorasiya və Su Təsərrüfatı ASC, KOBİA, Kənd Təsərrüfatı Nazirliyinin strukturları və “Azərbaycan Dəmir Yolları” QSC kimi qurumlarda müxtəlif satınalma və idarəetmə funksiyalarına rəhbərlik etmişdir.
Mətanət Səmədova təlimlərində dövlət satınalmaları üzrə qanunvericilik tələblərini real praktiki situasiyalarla birləşdirərək, iştirakçılara dərhal tətbiq oluna bilən bilik və bacarıqlar təqdim edir. Onun təlimləri xüsusilə dövlət və yarı-dövlət sektorunda çalışan mütəxəssislər üçün yüksək praktik dəyər yaradır.